١٥ نصيحة لازم تأخد بالك منها وإنت مسافر (مقال بالعامية المصرية)

دائماً لو إنت مسافرتش بره مصر قبل كده بتحتاج شوية نصائح مهمة وسريعة قبل السفر من حد يكون عندة خبرة السفر عموماً أو سافر نفس البلد اللي إنت رايحها قبل كده بحيث إنك تتجنب المواقف المفاجِئة أثناء سفرك ...
وحتى لو سافرنا قبل كده . أحياناً بنحتاج حد يفكرنا بشوية حجات مهمة قبل ما نسافر لأن مع تحضيرات ما قبل السفر وارد جداً ننسى من كتر ما إحنا مشغولين ...

1.    لازم تتأكد من صلاحيه  الباسبور والتأشيرة بتاعتك  وتتأكد أن البلد اللي انت مسافرها ملهاش أي متطلبات خاصة زي التصريح الامني وتصريح السفر.
2.    لازم يكون معاك صوره على موبايلك لكل أوراقك المهمه زي جواز السفر والتأشيرة وتذكرة الطيران.
3.    لازم تحجز الطيران والفندق قبل السفر بشهر على الأقل عشان متكونش مضغوط وتقدر تستمع برحلتك وتقدر بردو تلاقي أسعار مناسبة لرحلتك.
4.    أول ما تدخل البلد اشتري SIM Card عليها باقة نت ودقائق عشان تعرف تتواصل مع قرايبك و تطمنهم عليك وتقدر تستعمل الأبلكيشنز المهمة زي Google Maps
5.    يفضل تأخد معاك باور بانك ومشترك ثلاثي إحتياطي.
6.    إتأكد انك أخدت كل التطعيمات الخاصه بالبلد اللي انت رايحها.
7.    لو انت بتحب الشوبينج  إسأل على جمارك الحجات اللي انت ناوي تشتريها دي عشان متدفعش مبلغ كبير وانت داخل بيها من المطار هنا فـ مصر.
8.    لازم تعرف عمله البلد اللي انت رايحها ويفضل يكون معاك كاش من نفس عمله البلد اللي انت رايحها عشان تعرف تتحرك من المطار اول م توصل ومتتوترش.
9.    لو هتستعمل الكريديت كارد وإنت مسافر لازم تتصل بالبنك قبل السفر وتبلغهم انك هتستخدم الكارت هناك عشان تعرف حد السحب وتتجنب إنك تلاقي الكارت أتوقف او البنك فرض رسوم سحب تكون كتير عليك.
10.    لازم تشوف درجات الحراره فـ البلد اللي انت رايحها عشان تعرف تحضر شنطه سفرك.
11.    يفضل تحط ميزانيه للسفرية بتاعتك.  
12.    متنساش تأمين السفر الجديد بتاع أمان.
13.    اتأكد من وزن الشنط بتاعتك وانت مسافر من مصر أو وانت راجع من البلد اللي انت مسافرها.
14.    أدوية السفر مهمة جدا متنسهاش.
15.    أدوات الخياطة لازم تكون فـ شنطتك.

وأهم نصيحة ... إنك لو ناوي تسافر مع حد لازم يكون حد إنت بتحب وبترتاح إنك تسافر معاه عشان المثل بيقولك
"إختار الرفيق قبل الطريق"
وبس كده !